काठमाण्डु, ३० साउन– चुनावको तयारीबारे छलफल गर्न राष्ट्रिय प्रजातन्त्र पार्टी (राप्रपा) कार्यसम्पादन समितिको बैठक आज बस्दैछ ।
बैठकमा निर्वाचनमा विचार र एजेण्डा मिल्ने दलसँगको गठबन्धनको सम्भावना खोज्नेबारे छलफल हुने प्रवक्ता मोहन श्रेष्ठले जानकारी दिए । राप्रपा अध्यक्ष राजेन्द्र लिङदेन र एमाले अध्यक्ष केपी ओलीबीच शनिबार ओलीनिवास बालकोटमा चुनावी सहकार्यबारे छलफल भएको थियो ।
यसअघि ०७४ को निर्वाचनमा पनि ओली र लिङदेन एकअर्काको सहयोगमा निर्वाचित भएका थिए । ओली झापा–५ र लिङदेन झापा–३ बाट प्रतिनिधिसभा सदस्यमा निर्वाचित भएका हुन् । ४ मंसिरमा हुने निर्वाचनमा पनि दुवै नेता पुरानै निर्वाचन क्षेत्रबाट चुनावी प्रतिस्पर्धामा उत्रने तयारीमा छन् ।
यस्तै बैकठले उम्मेदवार छनौट, निर्वाचन परिचालन समिति र संसदीय समिति गठन तथा तेश्रो चरणको आन्दोलनका लगायत विषयमा निर्णय गर्ने प्रवक्ता श्रेष्ठले बताए ।