- शुक्रबार, १४ वैशाख, २०८१
काठमाण्डु, ७ जेठ– भरतपुर महानगरपालिकाको मेयर उम्मेदवार माओवादी केन्द्रकी रेणु दाहालले प्रतिस्धर्पीसँगको मतान्तर थप फराकिलो पार्दै लगेकी छन् ।
७८ हजार ३ सय १५ मत गणना गर्दा रेणुले ३० हजार ३ सय ९४ मत प्राप्त गरेकी छन् । एमालेका विजय सुवेदी २४ हजार २ सय ५६ मतसहित रेणुलाई पछ्याइरहेका छन् ।
दुई उम्मेदवारबीचको मतान्तर ६ हजार १ सय ३८ छ । काँग्रेसका बागी उम्मेदवार जगन्नाथ पौडेलले १० हजार ७ सय २१ मत पाएका छन् ।
उपमेयरमा पनि सत्ता गठबन्धनका उम्मेदवार चित्रसेन अधिकारी अगाडि छन् । अधिकारीले ३२ हजार ८ सय २९ मत पाउँदा एमाले–राप्रपा गठबन्धनकी हिमला गुरुङले १८ हजार ८ सय २७ मत पाइन् ।
