- बिहीबार, १३ वैशाख, २०८१
काठमाण्डु, ८ माघ– पछिल्लो २४ घण्टामा पीसीआर र एन्टिजेन विधिमार्फत् २० हजार १८७ नमूना परीक्षण गर्दा १० हजार २५४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।
मन्त्रालयका अनुसार गत २४ घण्टामा १४ हजार ४६२ नमूनाको पीसीआर र पाँच हजार ७२५ नमूनाको एन्टिजेन परीक्षण गरिएको थियो।
पीसीआर परीक्षणबाट आठ हजार २१२ र एन्टिजेन परीक्षणबाट दुई हजार ४२ जनामा संक्रमण पुष्टि भएको हो।
मन्त्रालयका अनुसार गत २४ घण्टामा देशभर गरी १६ जना कोरोना संक्रमितको मृत्यु भएको छ। यससँगै कोरोना संक्रमणबाट हालसम्म मृत्यु हुनेको संख्या ११ हजार ६५१ पुगेको मन्त्रालयले जानकारी दिएको छ।
यस्तै, सोही अवधिमा ७०८ जना कोरोना संक्रमणबाट मुक्त भएका छन्।
मन्त्रालयका अनुसार हाल देशभर कोरोना भाइरसका सक्रिय संक्रमितको संख्या ७२ हजार ८६२ पुगेको छ।
