भक्तपुरमा मिनीट्रक र मोटरसाईकल ठोक्किँदा एकको मृत्यु

काठमाण्डु, ७ कात्तिक– भक्तपुरको भक्तपुर नगरपालिका–१ मा मिनीट्रक र मोटरसाईकल ठोक्किँदा एक जनाको मृत्यु भएको छ । दुर्घटनामा परेर चाँगुनाराणयस्थित छालिङ बस्ने २० वर्षीय सुरज तामाङको मृत्यु भएको महानगरीय प्रहरी परिसर भक्तपुरका डिएसपी दिपक गिरीले बताए ।

शुक्रबार भक्तपुर नगरपालिका–१ स्थित यति कार्पेट नजिक प्रदेश–३–०२–०१७ प ७९४२ नम्बरको मोटरसाइकल प्रदेश–३–०१–००३ क ५०६५ नम्बरको मिनिट्रकसँग ठोक्किएको थियो । मोटरसाईकल पछाडि सवार सुरजले उपचारको क्रममा माइतीघरस्थित अन्नपूर्ण न्यूरो अस्पतालमा ज्यान गुमाए ।

मिनीट्रक चालक कमलविनायक बस्दै आएका लक्ष्मीप्रसाद दुवाललाई प्रहरीले पक्राउ गरेको छ ।