- आइतबार, २३ मंसिर, २०८१
काठमाण्डु, १२ असोज – काठमाडौंको नयाँ बानेश्वरस्थित आलोकनगरबाट प्रहरीले चोरीको मोटरसाइकल र लागुऔषधसहित दुई जनालाई पक्राउ गरेको छ ।
पक्राउ पर्नेमा सर्लाही घर भएका ३८ वर्षीय बिनोद मण्डल र निजका छोरा राकेश मण्डल छन् ।
बिनोद मण्डलले आलोकनगरमा ‘सर्लाही मोटर वर्कशप’ सञ्चालन गरेका छन् । वर्कशपमा प्रदेश–३–०२–००७ प २९६१ नम्बरको चोरीको पल्सर एनएस मोटरसाइकल पाटपुर्जा निकालेको अवस्थामा फेला परेको, साथै १ सय ११ बोतल लागुऔषध कोरेक्स समेत बरामद गरको महानगरीय प्रहरी परिसर काठमाडौंका प्रवक्ता रमेश बस्नेतले बताए ।
