काठमाण्डु, १८ साउन– नेपाली काँग्रेसका नेता पूर्व मन्त्री महेन्द्र यादवले नेकपा एमाले का वरिष्ठ नेता माधव कुमार नेपालले पार्टी भन्दा माथि उठेर राजनीतिक व्यवस्था, संविधान, लोकतन्त्रको पक्षमा आफूलाई उभ्याएको बताएका छन् ।
रिपोर्टर्स क्लब नेपालले आयोजना गरेको साक्षात्कारमा बोल्दै उनले भने, ‘माधव नेपालले पार्टीभन्दा माथि उठेर आफ्नो भूमिका निर्वाह गर्नुभयो । संविधान, व्यवस्था र कानुनको रक्षाको लागि अडान लिनुभयो ।
अब उहाँलाई एमालेले कारबाही गरेर उहाँको हाइट घट्दैन, बरु बढ्छ ।’ उनले माधव नेपाललाई गिरिजाप्रसाद कोइरालासँग तुलना गरे । उनले भने, ‘जसरी गिरिजाबाबु सबैले भरोसा गर्न योग्य नेता हुनुहुन्थ्यो, अहिले माधव नेपाल पनि त्यस्तै हुनुभएको छ ।’
उनले माधव नेपाल समूह पनि ढिलो÷चाँडो सरकारमा सहभागी हुने समेत विश्वास दिलाए ।