अन्ततः राणा र लोहनीको पार्टी एक भए

काठमाण्डु टुडे २०७५ माघ १८ गते १५:४० मा प्रकाशित

काठमाण्डु, १८ माघ – पशुपति शमशेर राणाले नेतृत्व गरेको राप्रपा (प्रजातान्त्रिक) र डा प्रकाशचन्द्र लोहनीले नेतृत्व गरेको एकीकृत राप्रपा (राष्ट्रवादी) बीच एकीकरण भएको छ ।

शुक्रबार राप्रपा (प्रजातान्त्रिक) का अध्यक्ष राणा र राप्रपा(राष्ट्रवादी)का अध्यक्ष डा लोहनीले आयोजित घोषणासभामा दुई पार्टीबीच एकीकरण घोषणा गरेका हुन् । एकीकरणपछि पार्टीको नाम राष्ट्रिय प्रजातन्त्र पार्टी (संयुक्त) राखिएको छ ।

दुई पार्टीका शीर्ष नेतृत्वबीच लगातारको छलफलपछि पार्टी एकताका लागि बिहीबार सहमतिपत्रमा हस्ताक्षर भएको थियो । एकीकृत नयाँ पार्टीमा दुई अध्यक्ष हुने सहमति यसअघि नै भइसकेको थियो । एकीकृत पार्टीको चुनाव चिन्ह हलो राखिने बताइएको छ ।
राप्रपा (संयुक्त)ले एक वर्षभित्र अधिवेशन गर्ने छ भने पार्टीको विधान एक महिनाभित्र तयार गर्ने लक्ष्य लिएको छ । पार्टीले संवैधानिक राजतन्त्र र धार्मिक स्वतन्त्रासहितको सनातन हिन्दू राज्य हुने व्यवस्थालाई विधानमा समेट्ने छ ।

Copyright © 2016 kathmandutoday.com Department of Information Reg No:460/074/75 About Us