सामान्यले सोध्यो –‘कुन कानुनले ग–यौ ?’

काठमाण्डु टुडे २०७१ कार्तिक २६ गते २:३८ मा प्रकाशित

काठमाण्डु, २६ कात्तिक– अर्थमन्त्री रामशरण महतले आफ्नै निर्णयमा विवादास्पद सहसचिव भरत सुवेदीलाई कानुन मिचेर अर्थमा काज सरुवा गरेको विषयलाई लिएर सामान्य प्रशासन मन्त्रालयले मंगलबार श्रम मन्त्रालयलाई तीनदिने म्याद दिँदै स्पष्टीकरण सोधेको छ ।
सामान्य प्रशासन मन्त्रालयले आफ्नो प्रस्ताव र सहमतिविना सहसचिव तहका कर्मचारीको सरुवा र काज पठाउने निर्णय हुन नसक्ने उल्लेख गर्दै ‘कानुनविपरीत सुवेदीलाई किन र कसरी काज सरुवा गरेको ?’ भन्दै श्रमसँग तीन दिनभित्र स्पष्टीकरण मागेको मन्त्री लालबाबु पण्डितले बताए ।

अर्थमन्त्री महतको दबाबमा श्रम मन्त्रालयले मातहतको सीप विकास केन्द्र प्रमुख रहेका सुवेदीलाई दुई साताअघि अर्थमा काज सरुवा गरेको हो । पटकपटक आर्थिक विवादमा पर्दै आएका सुवेदीलाई महतले ‘मन्त्रीस्तरीय’ निर्णय गरी राजस्व अनुसन्धान विभागको उपमहानिर्देशक बनाइसकेका छन् ।

कान्तिपुर दैनिकबाट

Copyright © 2016 kathmandutoday.com Department of Information Reg No:460/074/75 About Us