खोटाङ, ११ असोज– पाँच वर्षीया बालिका बलात्कार गरेको अभियोगमा एक युवकलाई १२ वर्ष कैद सजाय सुनाइएको छ ।
डागाउँ–१ का २५ वर्षीय किशोर भुजेललाई जिल्ला अदालतले १२ वर्ष कैदको सजाय सुनाएको हो । जिल्ला न्यायाधीश ईश्वरीप्रसाद गौतमको एकल इजलासले पीडितलाई ७५ हजार क्षतिपूर्ति उपलब्ध गराउन पनि भनेको छ ।
भुजेलले अदालतसमक्ष मादक पदार्थ सेवन गरेका बेला आफूले बालिकालाई बलात्कार गरेको बयान दिएका छन् । घरमा कोही नभएको मौका पारेर भुजेलले गत असार ७ गते बालिकालाई जबर्जस्ती करणी गरेका थिए ।
आफन्तले दिएको उजुरीको आधारमा उनलाई असार ९ गते प्रहरीले पक्राउ गरेको थियो ।