- शनिबार, ८ वैशाख, २०८१
काठमाण्डु, ६ फागुन– संविधानसभा अध्यक्ष चयनका लागि व्यवस्थापिका–संसदमा आज मतदान हुँदैछ ।
सभाध्यक्ष चयनका लागि साँझ ५ बजे संसद बैठक बोलाइएको छ । दलहरुबीच सहमति हुन नसक्दा बहुमतीय प्रक्रियाबाट सभाध्यक्ष चयन हुन हुन लागेको हो । सभाध्यक्ष पदका लागि बिहान १० देखि २ बजेसम्म उम्मेदवारी दर्ताको समय तोकिएको छ ।
काँग्रेसको समर्थनमा एमालेले सभाध्यक्षका लागि नेता सुवा नेम्वाङलाई उम्मेदवार बनाउने तयारी गरेको छ । काँग्रेसले सरकार गठनअघि भएको सात बुँदे सहमतिका आधारमा एमाले उम्मेदवार नेम्वाङका पक्षमा मतादन गर्ने निर्णय गरिसकेका कारण नेम्वाङ सभाध्यक्ष बन्ने निश्चित छ ।
उनी अघिल्लो संविधानसभामा पनि सभाध्यक्ष थिए । प्रमुख प्रतिपक्षी दल एकीकृत माओवादीले भने विपक्षी गठबन्धनको साझा उम्मेदवारका रुपमा नेता कृष्णबहादर महरालाई अघि सार्ने सम्भावना छ ।
यद्यपि उम्मेदवार खडा नगरी विपक्षमा मतदान गर्नुपर्ने मतसमेत माओवादीमा देखिएको छ । यसैबीच व्यवस्थापिका–संसदमा प्रतिनिधित्व् गरेका सबै दलले आजको बैठकमा अनिर्वाय उपस्थित हुन आफ्ना सभासदलाई ह्वीप जारी गरेका छन् ।
