काठमाण्डु, २ फागुन – एकीकृत नेकपा माओवादी निकट अनेरास्ववियु क्रान्तिकारीको १९ औं राष्ट्रिय सम्मेलनको मिति सरेको छ ।
यही फागुन २१ गतेबाट सुरु हुने भनिएको सम्मेलन आगामी चैतका लागि सारिएको हो ।
सम्मेलन आगामी चैत २१ देखि २४ गतेसम्म काठमाण्डुको किर्तिपुरमा हुने संगठनका सचिव रामचन्द्र अधिकारीले जानकारी दिए ।
आन्तरिक कार्यतालिकामा चापका कारण सम्मेलनको मिति सार्नु परेको उनले बताएका छन् ।