- आइतबार, २३ मंसिर, २०८१
काठमाण्डु, २८ माघ – राष्ट्रपति डा. रामवरण यादवले नयाँ सरकार गठनप्रति खुसी व्यक्त गरेका छन् ।
अख्तियार दुरुपयोग अनुसन्धान आयोगको वार्षिकोत्सवको अवसरमा मंगलबार राजधानीमा आयोजित कार्यक्रमलाई सम्बोधन गर्दै यादवले देशले लामो समयपछि जनप्रतिनिधिले चुनेको प्रधानमन्त्री पाएको भन्दै खुशी व्यक्त गरेका हुन् ।
जनताको प्रतिनिधिबाट चयन भएको व्यक्तिले सपथ खाने र जिम्मेवारी बहन गर्नेभएकाले जनताको काम आजैदेखि सुरु हुने उनको भनाई छ ।
राष्ट्रपति यादवले संविधान भित्रै रहेर राष्ट्रको सेवा गर्न नवनिर्वाचित प्रधानमन्त्री सुशिल कोइरालालाई आग्रह गरेका छन् ।
विगतका कमीकमजोरीबाट पाठ सिक्दै नयाँ र अनुकरणीय काम गर्न उनको सुझाव छ ।
अहिले अख्तियार दूरुपयोग अनुसन्धान आयोगले जनतालाई जगाउने काम गरिरहेको भन्दै राष्ट्रपति यादवले यसलाई निरन्तरता दिन आग्रह समेत गरेका छन् ।
