एमाले स्थायी समिति बैठक बस्दै

काठमाण्डु टुडे २०७० माघ १५ गते २:४० मा प्रकाशित

balkhuकाठमाण्डु, १५ माघ – नेकपा एमालेको स्थायी समिति बैठक बुधबार बस्दैछ ।

पार्टी मुख्यालय बल्खुमा दिउँसो ३ बजेपछि बस्ने बैठकमा संसदीय दलको नेता चयन, सहमतिय सरकार गठनका लागि काँग्रेसको प्रस्ताव लगायतका विषयमा छलफल हुने बताइएको छ ।

संसदीय दलको नेता चयनमा शीर्ष नेताहरुबीच कुरा मिल्न सकिरहको छैन ।

अध्यक्ष झलनाथ खनालसँगै नेता केपी ओली संसदीय दलको नेता आफू बन्न पाउनुपर्ने अडानमा छन् ।

नेता माधव नेपाल र उपाध्यक्ष बामदेव गैतमले खनाललाई सहयोग गर्न सकिने संकेत गरेपनि केपी ओली पक्षले आगामी बैशाखमा हुने महाधिवेशन पछिको नेतृत्वमा  ओलीलाई सघाउने अवस्थामा मात्रै खनाललाई सघउने अडान राखेको छ ।

खनाले सो प्रस्ताव नस्विकारे पछि ओली चुनावी प्रक्रियामै जाने मनस्थितमा पुगेको एक नेताले जानकारी दिए ।

सोही कारण ओली पक्ष खनाललाई सहजै संसदीय दलको नेता बन्न नदिने रणनीतिमा लागेको स्रोतले जनाएको छ ।

Copyright © 2016 kathmandutoday.com Department of Information Reg No:460/074/75 About Us