काठमाडौं, १० माघ – चितवनमा मालपोत कार्यालयका एक कर्मचारी घुस लिँदा लिँदै पक्राउ परेका छन् ।
मालपोत कार्यालय चितवनका मुद्दा फाँटका नायब सुब्बा रामप्रसाद न्यौपानेलाई घुस लिँदा लिँदै अख्तियारले पक्रेको हो ।
भरतपुर नगरपालिका वडा १० बस्ने रत्नकुमारी पोखरेलसँग जग्गा दाखिल खारेज गर्ने कामको सिलसिलामा ८ हजार रुपैयाँ लिँदा लिंदै उनी रंगेहात पक्राउ परेको र अहिले अनुसन्धानको सिलसिलामा आयोगले हिरासतमा राखेको अख्तियारका प्रवक्ता श्रीधर सापकोटाले बताए ।