विमान दुर्घटनामा ५० जनाको मृत्यु

काठमाण्डु टुडे २०७० मंसिर ३ गते २:१८ मा प्रकाशित

Russinan-Plane-Crashedकाठमाण्डु, ३ मंसिर–रुसको कजान सहरमा विमान दुर्घटना हुँदा ५० जनाको मृत्यु भएको छ । मस्कोबाट यात्रु लिएर आएको बोइंग ७३७ विमान कजान सहरमा रहेको विमानस्थलमा अवतरण गर्ने क्रममा विस्फोट भएको थियो ।

विमानमा सवार ४४ यात्रु तथा चालक दलका ६ सदस्यको मृत्यु भएको रुसी अधिकारीले बताएका छन् । मृत्यु हुनेमा दुई बालक पनि रहेका छन् ।
विमान के कारणले दुर्घटना भएको भन्ने थाहा हुन सकेको छैन । यसैबीच रुसी राष्ट्रपति भल्लादिमिर पुटिनले दुर्घटनामा मारिएका व्यक्तिका परिवारप्रति समवेदना व्यक्त गरेका छन् ।

सीरियामा ३१ जना मारिए

यसैगरी सीरियाको राजधानी दमास्कसमा भएको बम विष्फोटमा कम्तिमा ३१ जना मारिएका छन् ।

यस्तै इजिप्टको राजधानी कायरोको दक्षिणी क्षेत्रमा रेल र मिनि बस आपसमा ठक्कर खाँदा कम्तिमा २० जनाको मृत्यु भएको बीबीसीले जनाएको छ ।

 

Copyright © 2016 kathmandutoday.com Department of Information Reg No:460/074/75 About Us