- शनिबार, ८ वैशाख, २०८१
महेन्द्रनगर, १० माघ– काँग्रेस महामन्त्री डा. शशाङ्क कोइरालाले प्रतिनिधिसभा पुर्नस्थापनाको विकल्प नरहेको बताएका छन् ।
कोइरालाले अदालतले प्रतिनिधिसभा पुर्नस्थापना गर्ने विश्वास पनि व्यक्त गरे । ‘संसद विघटन असंवैधानिक, अलोकतान्त्रिक र निरंकुश कदम हो’, कोइरालाले भने, ‘महेन्द्रनगरमा शनिबार आयोजित पत्रकार सम्मेलनमा कोइरालाले भने, ‘नेपाली काँग्रेसले संसद पुर्नस्थापनालाई पहिलो प्राथमिकतामा राखेको छ ।’ संसद पुर्नस्थापना नभए मुलुक लामो राजनीतिक अस्थिरतामा फस्ने कोइरालाको भनाइ थियो ।
कोइरालाले प्रधानमन्त्री केपी ओलीले चुनाव गर्ने मनसाय नराखेका कारण वैशाखमा निर्वाचन हुने भ्रम पाल्न नहुने दाबी गरे ।
नेकपाको दल विभाजन र चुनाव चिन्हसम्बन्धी विवादमा निर्वाचन आयोगले समयमै निर्णय दिन नसक्ने भएकाले चुनावकै कुनै सम्भावना नरहेको उनको प्रष्टोक्ति थियो ।
