- बुधबार, ५ वैशाख, २०८१
एजेन्सी– समाजिक सञ्जाल फेसबुकले भिडियो कलसम्बन्धी नयाँ सेवा सुरु गर्ने भएको छ ।
यो सेवा हालको भन्दा फरक हुनेछ । ‘म्यासेन्जर रुम’ नाम दिइएको उक्त सेवामा एकपटकमा ५० जनाभन्दा बढीले कुराकानी गर्न मिल्ने बताइएको छ ।
अबदेखि म्यासेन्जरमा बैठक बस्न र अन्तरक्रिया पनि गर्न सकिने फेसबुक व्यवस्थापनले जनाएको छ । चाखलाग्दो यो छ कि यो नयाँ सेवा फेसबुकमा साथी नभएकाले समेत प्रयोग गर्न सक्नेछन् ।
फेसबुकको दायाँ साईडबाट भित्र पसेपछि सेवा प्रयोग गर्न सकिन्छ । फेसबुकले म्यासेन्जर रुमको सुरक्षा गोपनीयता कायम गर्ने प्रतिबद्धता जनाएको छ ।
